លោកជំទាវ មិថុនា ភូថង អភិបាលខេត្តកោះកុង បានចុះពិនិត្យមើលស្ថានភាពនៅច្រកទ្វារអន្តរជាតិចាំយាម បន្ទាប់ពីភាគីថៃបានបិទច្រកព្រំដែនអន្តរជាតិហាតឡេក ស្រុកខ្លងយ៉ៃ ខេត្តត្រាត ជាប់ច្រកទ្វារចាំយាម ខេត្តកោះកុង ដោយឯកតោភាគី

លោកជំទាវ មិថុនា ភូថង អភិបាលខេត្តកោះកុង នៅថ្ងៃទី២៤ ខែមិថុនា ឆ្នាំ ២០២៥ បានចុះពិនិត្យមើលស្ថានភាពនៅច្រកទ្វារអន្តរជាតិចាំយាម បន្ទាប់ពីភាគីថៃបានបិទច្រកព្រំដែនអន្តរជាតិហាតឡេក ស្រុកខ្លងយ៉ៃ ខេត្តត្រាត ជាប់ច្រកទ្វារចាំយាម ខេត្តកោះកុង ដោយឯកតោភាគី។ យោងតាមមន្រ្តីប្រចាំការច្រកទ្វារព្រំដែនចាំយាម បានឲ្យដឹងថា ក្រោមកិច្ចសុំសម្របសម្រួលរួមគ្នាជាមួយភាគីថៃ ព្រឹកមិញនេះ ឥឡូវនេះបានរំដោះរថយន្តដឹកទំនិញដែលកំពុងកកស្ទះច្រកទ្វារព្រំដែនរវាងប្រទេសទាំងពីរ ចៀសវាងបណ្តាលឲ្យកកស្ទះខ្លាំង ហើយនឹងបិទព្រំដែនវិញ។ ដោយអនុវត្តគោលការណ៍អនុញ្ញាតឲ្យតែអ្នកជំងឺធ្ងន់ និងសិស្សសាលាចេញចូលប៉ុណ្ណោះ៕